«Қазақ халқының музыкалық мәдени мұрасы» апталығында Қ.Бекқожин атындағы мектеп оқушылары Н. Шафер атындағы мұражай-үйінің экспонаттарымен таныстырды. Достық үйіндегі кезекті шараны «Мәдениетті ана – Мәдениетті ұлт» республикалық жобасы аясында ҚХА облыстық Аналар кеңесі мен Н. Шафер атындағы мұражай бірлесіп ұйымдастырды. Оқушылар ерекше грампластинка мұражайымен танысты, «Кешкі вальс», «Менің ескі граммафоным» сияқты патефондағы сирек әндері бар күйтабақтарды тыңдады, сонымен қатар Наум Шафердің шығармашылығы мен музыка өнеріне қосқан үлесі туралы білді. Ол аймақтың мәдени мұрасына айналды.