Бұқар жырау атындағы әдебиет және өнер мұражайының ұйымдастыруымен «Мен актер боламын» атты сайыс қалалық білім беретін мектептердің арасында өткізілді.

 Сайыстың мақсаты: Елбасы Н.Ә. Назарбаевтың «Болашаққа бағдар: рухани жаңғыру» бағдарламасы аясында сахна өнерін насихаттау, қойылым арқылы актерлік  қабілеті бар дарынды жас өнерпаздарды анықтау.

Қала мектептерінен 7-10 сынып аралығындағы 17 оқушы өз бақтарын сынап, дарынды жас өнерпаздарымыз актерлік шеберліктерін ортаға салды. Біздің мектебімізден 8 «А» сынып оқушысы Шакарымова Адия Оралхан Бөкейдің  «Атау кере» повесінен Тағанның монологын нақышына келтіре оқып, жүлделі ІІІ орынға ие болды. Жетекшісі: Байгулова Бақытжан Каиргелдіқызы. Марапаттау рәсімі  тікелей эфирде Павлодар қаласы  «Ертіс таңы» атты телеарнада өтті. Жеңіс тұғырынан көріне берсін!