07.12.2021 жылы Қ. Бекқожин атындағы жалпы орта білім беру мектебінің білім ордасында бізге тәуелсіздік туын, қазақтың көк байрағын биік көтеріп, ел екенімізді дәлелдеп, дүние жүзіне танылуымызға себеп болған және дүниені дүр сілкіндірген Желтоқсан оқиғасына биыл 35 жыл толуына орай 1986 жылғы желтоқсан оқиғасының куәгерлері болған филология ғылымының кандидаты, профессор Зейнулина Айман Файзуллақызы мен ұстаз Жакаева Сәуле Төлеубайқызымен кездесу ұйымдастырылып, мектеп ұжымы мен жоғарғы сынып оқушылары қатысты. Кездесу барысында тәуелсіздік жолында күрескен, тарих парақтарында есімдері қалған, сонау қиын – қыстау күндер жайлы естеліктер айтылып, қатысқан оқушыларға Тәуелсіздіктің оңай жолмен келмегені жайлы мәліметтер беріліп, сыр шертілді. Оқушылар тарапынан сауалдар қойылып, өз біліктіліктерін арттырды. Кездесу барысында мектебіміздің өнерлі оқушылары өз өнерлерін ортаға салып паш етті. Кездесуге келген құрметті де, сыйлы қонақтарымыз Тәуелсіздіктің 30 жылдығымен құттықтап, шын жүректен өз ризашылықтарын білдіріп, жүрекжарды лебіздерін айтты.