Павлодар облысында «Наурыз мейрамын» мерекелеу онкүндігі басталды

13 наурыздан бастап облыстың барлық мектептерінде мерекелік іс-шаралар, шығармашылық конкурстар, тақырыптық кездесулер және тағы басқалар өтеді.

Көктемнің басты мерекесі қарсаңында Қыдыр ата ертегі делегациясымен Павлодар қаласының жалпы білім беретін және арнайы мектептерін аралады. Мәртебелі қонақ оқушыларды келе жатқан мерекелерімен құттықтап, ақ батасын берді.

Ақ тілек бейбітшілік аман болсын!
Елім, жұртым қадірлі аман болсын!
Туғандай бір анадан жамағаттар
Достыққа берік, мықты адал болсын!
Наурыз мейрамы құтты болсын!
Ұлыс оң болсын! Ақ мол болсын!